БИШКЕК, 8-дек. — Sputnik. Кыргызстанда терроризмге жана диний экстремизмге каршы күрөшүү боюнча мамлекеттик программа иштелип чыгарын өкмөттүн маалымат кызматынан билдиришти.
Бул тема боюнча вице-премьер-министр Жеңиш Разаков кеңешме өткөрдү.
Кеңешмеде өзгөчө көңүлдү коомдогу диний экстремизмдин алдын алууга, тактап айтканда, таасири күчтүү деп эсептелген жаштар арасындагы иш алып барууга буруу зарылдыгы айтылды.
Разаков мамлекеттик органдардын өз ара иштешүүсүн жогорулатуу, укук коргоо жана жергиликтүү өз алдынча башкаруу органдарынын экстремисттик, террордук ишмердүүлүк фактыларына бөгөт коюу деңгээлин жогорулатуу зарыл экендигин белгиледи.
Мамлекеттик программаны иштеп чыгуу боюнча ведомство аралык жумушчу топ түзүлүп, аны Разаков жетектемей болду.
