БИШКЕК, 5-дек. — Sputnik. Кыргызстан мусулмандарынын дин башкармалыгынын чакыруусу менен Кыргызстанга шейх Ахмед Махмуд аль-Шариф келди. Бул тууралуу муфтият билдирди.
Белгилей кетсек, Египет мамлекетинин Аль-Азхар университетинин окутуучусу диний кызматкерлерге тренинг өтүү үчүн келди.
"Дин кызматкерлери үчүн уюштурулуп жаткан тренинг өлкөдөгү дин тутуу эркиндиги, салттуу исламдын баалуулуктары жана диний радикализм, экстремизди алдын алуу боюнча болот", — деп жазылат маалыматта.
Эскерте кетсек, тренинг өлкөдөгү диний чөйрөдөгү мамлекеттик концепцияны ишке ашыруу программасы боюнча уюштурулууда.
