Радиостудия Sputnik Кыргызстан в Бишкеке - Sputnik Кыргызстан
Радио

Сооронбай Жээнбеков: манасчылык — көркөм өнөрдүн атасы

© Пресс-служба правительства / Сабыр АильчиевПремьер-министр Сооронбай Жээнбеков филармонияда өткөн "Манас" күнүнө арналган салтанаттуу иш-чарасында
Премьер-министр Сооронбай Жээнбеков филармонияда өткөн Манас күнүнө арналган салтанаттуу иш-чарасында - Sputnik Кыргызстан
Жазылуу
Премьер-министр Сооронбай Жээнбеков филармонияда өткөн "Манас" күнүнө арналган салтанаттуу иш-чарага катышты.
Сооронбай Жээнбеков: манасчылык — көркөм өнөрдүн атасы

Жети күндүк Манас айтуу иш-чарасы концерт менен жыйынтыкталды - Sputnik Кыргызстан
Жети күндүк "Манас" айтуу иш-чарасы концерт менен жыйынтыкталды
Манасчылык көркөм өнөрдүн атасы болсо, боюна миң сан сапты батырган манасчылар улуттун өзөгүн кармап турат. Бул тууралуу премьер-министр Сооронбай Жээнбеков "Манас" күнүнө арналган иш-чарада сүйлөп жатып билдирди.

Анын айтымында, материалдык эмес маданий мурастарды сактоо жана изилдөө, кыргыз элинин руханий кайра жаралышына, андан ары маданий өнүгүшүнө багытталган шарттарды түзүү – мамлекеттик саясаттын негизги милдети.

Сооронбай Жээнбеков "Манас" эпосун сактоо, изилдөө жана кеңири жайылтуу боюнча Кыргызстандын 2012-2017-жылдарга улуттук программа кабыл алынганын эске салды.

"Манасты" Манас кылып турган кудуреттүү, касиеттүү сыр – дал ушул манасчылык өнөрдүн маңызында жатат. Манас угуп отурган адам манасчылык өнөр – көркөм өнөрдүн атасы экендигин сезет. Элибиздин уюткулуу өнөрү болгон "Манас" эпосунун сан миң сабын боюна батырган манасчылар улуттун өзөгүн кармап турат", — деди өкмөт башчы.

Соңунда Жээнбеков улуттук маданиятты өнүктүрүүгө жана жайылтууга өзгөчө эмгек сиңирген салымы үчүн бир катар манасчыларга өкмөттүк сыйлыктарды тапшырды.

Жаңылыктар түрмөгү
0