Toyota Ipsum үч машинана сүзгөн. Милициянын айтымында, айдоочу мас абалында болгон.
БИШКЕК, 5-дек. — Sputnik. Бишкек ШИИБдин Кайгуул милициясы жол кырсыгынын чоо-жайын айтып берди.
Белгилей кетсек, буга чейин күбө Sputnik Кыргызстан агенттигинин WhatsApp номери аркылуу Байтик баатыр жана Медеров көчөлөрүнүн кесилишинде ири жол кырсыгы болгонун билдирген болчу.
Toyota Ipsum үлгүсүндөгү машина Байтик баатыр аркылуу түштүк тарапты көздөй бара жатканда каршы тараптан келе жаткан Toyota Corolla менен сүзүшүп, андан кийин эки машинаны сүзгөн.
Toyota Ipsum үлгүсүндөгү машина Байтик баатыр аркылуу түштүк тарапты көздөй бара жатканда каршы тараптан келе жаткан Toyota Corolla менен сүзүшүп, андан кийин эки машинаны сүзгөн.
"Жол кырсыгы Байтик баатыр менен Ахунбаев көчөлөрүндө катталган. Toyota Ipsum үлгүсүндөгү машина Байтик баатыр аркылуу түштүк тарапты көздөй бара жатканда каршы тараптан келе жаткан Toyota Corolla менен сүзүшүп, андан кийин эки машинаны сүзгөн. 43 жаштагы айдоочу мас абалында болгон. Азыр төрт машина тең айып короого алып келинди. Каза болгондор жок", — деп Кайгуул милициясынын маалымат кызматынын жетекчиси Таалай Бугубаев билдирди.
Анын айтымында, жол кырсыгына себепчи болгон жаран үйүнө коё берилген, айыбы кийин коюлат. Ошондой эле 20 миң өлчөмүндө айып салынып, сүзгөн автоунааларды калыбына келтирүү жүктөлөрүн Бугубаев кошумчалады.
