БИШКЕК, 5-дек. — Sputnik. Бишкек шаарында карантинге дагы 13 жеке менчик мектеп жабылды. Бул тууралуу мэриянын маалымат кызматы кабарлады.
Мекеменин маалыматына ылайык, курч респиратордук вирустук инфекция жана сасык тумоо боюнча эпидемиологиялык абал курчуп бара жатат. 3-октябрдан 4-октябрга чейин 16 миң учур катталган. Бул өткөн жылга салыштырмалуу 50,9 пайызга көп.
Мэрия ошондой эле мектепке чейинки билим берүү мекемелеринде дагы санитардык талаптардын аткарылып жаткандыгы көзөмөлдөнүп жатканын айтты. Анын алкагында бала-бакчалар желдетилип, бөлмөлөрдөгү жылуулук текшерилип, балдардын келүүсү боюнча мониторинг жүргүзүлүүдө. Андыктан азырынча бала-бакчаларга карантин жарыялоо маселеси чечиле элек.
Ошондой эле коомдук транспорттордун санитардык абалы текшерилүүдө. Талаптарды аткарбагандарга айып пул салынып, транспортук ишкананын жетекчилигине эскертүүлөр берүүлүдө.
