БИШКЕК, 3-дек. — Sputnik. Португалия курама командасы менен Мадриддин "Реал" командасынын чабуулчусу Криштиану Роналду 150 миллион евро өлчөмүндө салык төлөөдөн баш тартты деп шектелип жатат. Бул тууралуу Spiegel басылмасына таянуу менен РИА Новости жазып чыкты.
Маалыматка ылайык, атагы дүйнөгө чыккан футболчу салыкты Виргин аралдарында жана Швейцарияда жайгашкан оффшордун жардамы менен жаап-жашырып келген.
Эскерте кетсек, Spiegel басылмасынын журналисттери Footbal Leaks желегинин алдына бириккен европалык ЖМК коомчулугунун мүчөлөрү болуп саналышат. Алардын башкы максаты — учурдагы футбол жаатында мыйзамсыз финансылык аракеттерди ашкерелөө.
