БИШКЕК, 3-дек. — Sputnik. Бүгүн көпчүлүк футбол күйөрмандары күткөн "Реал" клубу менен "Барса" командасы беттешет.
Аталган оюн Испания биринчилигинин алкагында өтүп, Бишкек убактысы боюнча 21:15те башталат.
Белгилей кетсек, каталониялык "Барселона" клубу былтыркы жылы 91 упай топтоп өлкө чемпиону аталган. Ал эми 90 упай топтогон "Реал Мадрид" экинчи орунду ээлеген.
"Барсада" атактуу оюнчулар Лионель Месси, Неймар, Иньеста ойносо, "Реалда" Криштиану Роналду, Гарет Бэйл сыяктуу футбол жылдыздары ойнойт.
