БИШКЕК, 27-ноя. — Sputnik. Фидель Кастрону акыркы сапарга узатуу зыйнаты 4-декабрь күнү өтөт. Бул тууралуу РИА Новости Франс Пресс басылмасына шилтеме берүү менен кабарлады.
Эске сала кетсек, Кубанын мурдагы лидери Фидель Кастро 26-ноябрда 90 жаш курагында каза болду.
"Фидель Кастрону акыркы сапарга узатуу зыйнаты 4-декбарь күнү Сантьяго-де-Кубада болот. 1-декабрдан баштап 4 күн коштошуу иш-чаралары өткөрүлөт", — деп жазылат маалыматта.
Фидель Кастро — 1926-жылдын 13-августунда туулган. Ал 30 жылдан ашуун мамлекеттик кызматты аркалап, Кубанын өнүгүүсүнө өзүнүн чоң салым кошкон.
Ал 2006-жылы ден соолугунун начарлашынан улам, өлкө башчылык кызматын иниси Рауль Кастрого өткөрүп берген.
