БИШКЕК, 29-ноя. — Sputnik. Колумбияда кырсыкка кабылган учактын себептери айтыла баштады. Акыркы маалыматтарга ылайык анын күйүчүү майы түгөнүп калган. Бул тууралуу РИА Новости Франс Пресс агенттигине шилтеме берүү менен кабарлайт.
Учак колумбиянын Медельин шаарынан алыс эмес жерге кулаган.
"Анын бортунда 72 жүргүнчү жана экипаждын 9 мүчөсү болгон. Авиакырсыкка кабылган 81 адамдан 13 жүргүнчү аман калды. Учурда окуя болгон жерде куткаруучулар менен тез жардам кызматы иштеп жатат", — деп жазылат маалыматта.
Бортто ошондой эле Бразилиянын "Шапекоэнсе" футбол клубунун оюнчулары да болгон. Алар Колумбиянын Медельин шаарындагы футбол турнирине катышканы бара жаткан.
