Гуля Алмамбетова: бүгүн "Дордой" базары убактылуу жабылды
Бишкек мэриясынын маалымат кызматынын жетекчиси Гуля Алмамбетова базарда болгон кырсыктан улам үч аял жабыркап, бирөө катуу жаракат алганын билдирди.
"Бастырма урап түшкөндүктөн жарандардын коопсуздугун сактоо максатында "Дордой" базары жабылды. Андагы эл эвакуацияланып жатат. Окуя айланма жолдогу "Алкан" базарынын аймагында болгон. Үч аял жабыркап, бирөө катуу жаракат алган. Учурда ооруканага жеткирилди", — деп билдирди Алмамбетова.
Алдын ала маалыматтар боюнча ураган чатырдын аянты 450 чарчы метрди түзгөн.
