Ал республикалык деңгээлде өткөрүлгөн "XXI кылымдын интеллектуалдары" кароо сынагында I орунду ээлеген. Мындан сырткары, Чолпон-Ата шаарында комузчу, аккордеончу жана кол өнөрчүлөр үчүн уюштурулган "Тогуз кайрык" сынагында II орунду эңип кеткен.
"Бишкектеги Чуйков атындагы Көркөм сүрөт окуу жайынын дизайн бөлүмүнө тапшырып талантым болсо да, таанышым жок болуп калып өтпөй калгам. Ага карабай өнөрчүлүк менен алектенип келем. Жакында Казакстан менен Индиядан келген конокторго Өзгөндүн мунарасынын макетин жасап бердим. Негизинен ар түрдүү формадагы 47 буюмдун түрүн жасай алам", — деди ал.
Шамшиев окуучуларга кол өнөрчүлүк боюнча сабак берип келерин кошумчалады.
