БИШКЕК, 26-ноя. — Sputnik. Бишкек — Ош унаа жолунда май жүктөп бараткан "DAF" үлгүсүндөгү унаанын прицеби үзүлүп, анын кесепетинен болжол менен 7-8 тонна керосин жолго жана Абла суусуна төгүлгөн. Бул тууралуу ӨКМден билдиришти.
"Окуя болгон жерге жол тейлөө ишканасынынан бир техника бөлүнүп, жол толук тазаланган. Жергиликтүү калкка зыянын тийгизбөө үчүн Сосновка жана Талды-Булак айыл өкмөттөрүнө караштуу суу топтолгон жайлар убактылуу жабылды", — деп жазылат маалыматта.
Үстүбүздөгү жылдын 26-ноябрында Абла суусунан үлгү алынып, зыяндуулугун аныктоо үчүн лабораторияга жиберилди.
Белгилей кетсек, аталган кырсыктан улам жол каттам жабылып, кийинчерээк кайра ачылган.
