БИШКЕК, 23-ноя. — Sputnik. Бүгүн, шаршемби күнү Кожомкул атындагы спорт ордосунда экс-муфтий Мураталы ажы Жумановдун жаркын элесине арналган спорттук мелдеш өтөт. Бул тууралуу Кыргызстан мусулмандарынын дин башкармалыгынан билдиришти.
Аталган иш-чара Мураталы ажы Жумановдун жаркын элесине арналуу менен бирге ынтымакты, биримдикти чыңдоо максатында уюштурулуп жатат.
"Таймашта диний уюмдардын жана диний окуу жайлардын студенттери футбол, волейбол оюндары боюнча күч сынашат", — деп айтылат маалыматта.
Бул иш-чара салтка айланып жыл сайын күз жана жаз мезгилдеринде өткөрүлүп келет.
