БИШКЕК, 20-ноя. — Sputnik. Калың кардан улам Каракол-Эңилчек унаа жолу убакытлуу жабылды. Бул тууралуу ӨКМ билдирди.
Маалыматка ылайык, Ысык-Көл облусуна караштуу Каракол-Эңилчек автоунаа жолунун 38-чакырымынан баштап 92-чакырымына чейин кар калың жаап, аталган жол жабылды.
"№11жол тейлөө ишканасынын жетекчилигинин түшүндүрүсү боюнча кар катуу жаап, бороондун улам жолду тазалоо өтө коопту жана коркунучтуу болууда. Ошол себептен улам аталган участоктордогу жол убактылуу жабылган", — деп жазылат маалыматта.
Учурда жолдо калган жүргүнчүлөр жок, адамдар жабыркаган эмес.
