БИШКЕК, 20-ноя. — Sputnik. Бишкектин көчөлөрүнө түнү менен 495 тонна туз жана 37 тонна кум себилди. Бул тууралуу мэриядан билдирди.
Белгилей кетсек, борбор калаада калың кардан улам ыңгайсыздыктар жаралып, аэропорт убактылуу ишин токтотту.
"Жол тазалагычтар кечээ түнкү ондон тартып бүгүн эртең мененки сегизге чейин 495 тонна туз, 37 тонна кум себишти. Түнү менен 18 кар тазалоочу унаа, төрт самосвал иштеди. Учурда 09:30дан 13:00гө чейин тыныгуу", — деп айтылат маалыматта.
Түшкү бирден кийин 19 кар тазалоочу унаа, беш трактор, эки зил жана төрт самосвал ишти улантат.
