БИШКЕК, 18-ноя. — Sputnik. D витамини камтылган балык майын көп колдонуу кары адамдардын сасык тумоо жана жугуштуу ооруулардан алыс болууга жардам берет. Бул тууралуу РИА Новости Journal of the American Geriatrics Society журналына таянуу менен жазып чыкты.
АКШдагы Колорадо университетинин профессору Адит Гинденинин айтымында, D витамини адамдын иммундук системасын жакшыртып, ар кыл инфекцияларга каршы турууга жардам берет.
Окумуштуулардын изилдөөсүнө жүздөгөн адам катышып, иликтөө дээрлик бир жылга созулган.
