БИШКЕК, 17-ноя.— Sputnik. Түрк полициясы Ван шаарынын мэри Бекир Кайяны кармады. Бул тууралуу РИА Новости DHA агенттигине шилтеме кылып жазды.
Учурда мэриянын имаратында иликтөө иштери жүрүүдө. Аймактык демократтар партиясынын мүчөсү Бекир Кайя өлкөдө тыюу салынган Күрдстан жумушчулар партиясына байланышы бар деп күнөөлөнүүдө. Мурда ал аталган партия менен байланышканы үчүн түрмөгө отуруп чыккан.
Түрк бийлиги буга чейин Күрдстан жумушчулар партиясына тиешеси бар делген 28 администрация башчыларын кызматтан кетирген.
Белгилей кетсек, Күрдстандын жумушчулар партиясынын мүчөлөрү 16-июлда Түркияда төңкөрүш жасоого аракет кылган. Мындан улам түрк бийлиги аталган партияга тиешеси бар адамдарга чара колдонуу чечимин чыгарган.
