БИШКЕК, 15-ноя. — Sputnik. Бүгүн шейшемби күнү Бахрейн менен Кыргызстандын футболчуларынын ортосунда жолдоштук беттеш өтөт. Бул тууралуу Футбол федерациясы билдирди.
Оюн Бахрейндин борбор калаасы Манама шаарындагы Улуттук стадиондо Бишкек убактысы боюнча саат 21.00дө башталат.
КР курама командасынын курамында Антон Землянухин жок. Оюнчу ушуну менен команданын алтынчы жолку беттешүүсүнө катышпай калууда.
Буга чейин Кыргызстан менен Бахрейндин улуттук курамалары беш ирет беттешип, Кыргызстан жолдоштук гана оюнда жеңишке жетишкен.
Эл аралык футбол федерациясынын рейтингинде Кыргызстан 99-орунда болсо, Бахрейн 123-сапты ээлеп келет.
