БИШКЕК, 14-ноя. — Sputnik. Кыргызстандын футбол боюнча курама командасынын жарым коргоочусу, былтыркы жылдын мыкты оюнчусу Антон Землянухин Бахрейндеги беттешке дагы катыша албай калды. Бул тууралуу Футбол федерациясы маалымдады.
Жарым коргоочу алган жараатынан улам август айынан бери Казакстан, Филиппин, Ливан, Түркмөнстан командаларына каршы оюдарды өткөрүп жиберип, эми Бахрейндеги беттеште да оюн талаасына чыга албай калды.
Учурда футболчу дарыланып жатат. Ал эми кыргызстандык футболчулар Манамада 15-ноябрда өтө турган Бахрейн командасы менен ойнолчу оюнга даярданууда. Командага Манилада өткөн оюнга катышпай калган, беттешүүгө команданын сол канатындагы коргоочу Валерий Кичин кошулду.
Аталган жолдоштук беттештер Азия кубогу-2019 чемпионатына даярдык иретинде өткөрүлүп жатат.
