БИШКЕК, 14 ноя- Sputnik. Канаданын өкмөтү иммиграциялык документтерде "аял" жана "эркек" деген көрсөткүчтөн сырткары "башка" деген жынысты көрсөтүүгө да уруксат берди. Тиешелүү өзгөртүүлөр туристтердин eTA автоматташтырылган электрондук системасында жазылган.
Буга чейин паспорту боюнча үчүнчү жыныска тиешелүү болгон жактар Канадага кирүүдө бир катар көйгөйлөргө туш болуп келишкен, себеби алардын билдирүүсүн автоматташтырылган система кабыл алчу эмес.
"Үчүнчү жыныс" Австралияда, Жаңы Зеландия, Германия, Бангладеш, Индия, Пакистан жана Непалда расмий статуска ээ. 2005-жылы Канада өз аймактарында бир жыныстуу жарандардын никелешүүсүнө уруксат берген мыйзам кабыл алган. Ал эми үстүбүздөгү жылы Жастин Трюдо секс-азчылыктын парадына барган биринчи премьер-министр катары тарыхта калды.
