БИШКЕК, 13-ноя. – Sputnik. Эртең, 14-ноябрь күнү Кыргызстандын айрым аймактарында жаан жаай турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Бишкек шаарында жаан жаап, түнкүсүн 4, ал эми күндүз 11 градус жылуу болот. Ош шаарында жаан-чачын күтүлбөйт. Абанын температурасы түнкүсүн 4, күндүз 14 градуска чейин көтөрүлөт.
Кыргызстандын калган аймагында жаан, тоо этектерине жана тоолуу райондордо кар жаашы күтүлөт. Бийик тоолуу аймактардын автожолдору тоңголок, тайгак болот.
