Кыргыз жигит Уларбек Бакырдинов жакында эле латыш кызы Анастасия менен баш кошту. Сүйүүдө башкысы — улут эмес, адамдын жан дүйнөсү деген Уларбек келинчеги менен кандайча таанышып, үйлөнүп калганы тууралуу айтып берди.
Анын айтымында, Настя болочок жубайын жөнөкөйлүк сапаты менен багындырып алган.
"Ата-энеме башында экөөбүздүн мамилебизди айтуудан корктум. Анастасия менен сүйлөшүп жүргөн убакта атам ооруканага жатып калды. Экөөбүз чогуу барып, атамдын ал-ахвалын сурап тааныштырсам, атам жакшы кабыл алды. "Жүзү жарык, жакшы кыз экен" деди. Апам, бир туугандарым деле"өзүңөр чечкиле, силер жашайсыңар, бири-бириңерге жагып, табышсаңар каршы эмеспиз" дешти", — деди Бакырдинов.
Мындан сырткары Уларбек келинчегинин кыргыздын каада-салтын, маданиятын өздөштүрүүгө каалоосу чоң экенин айтып, кыргыз тилин үйрөнүп баштаганын билдирди.
Латыш келин Анастасия менен болгон маекти Sputnik Кыргызстан агенттигинин материалынан окуңуздар>>
