БИШКЕК, 8-ноя.— Sputnik. Казакстандын "Кургак учукка каршы дарылар илимий борбору" ачык акционердик коомунун жетекчилиги алар жасаган ФС-1 дарысынан эч ким каза болбогунун билдирди деп жазат РИА Новости.
Мурда Кыргызстандын Башкы прокуратурасы медициналык жабдыктар жана дарылар менен камсыз кылган Улуттук фтизиатрия департаменттинин башчыларына ФС-1 дарысын туура эмес колдонгону үчүн кылмыш ишин козгогон. Буга чейин көзөмөлдөө органы мыйзамсыз сыналган ФС-1 дары-дармегинен эки бейтап каза болгонун жарыялаган.
"Биз бул көрүнүшкө көз жумуп кое алган жокпуз. Каза болгон адамдар бизден чыккан ФС-1 дарысын ичкен эмес", — деди илимий борбордун жетекчиси Марат Кулманов Алматыда өткөргөн маалымат жыйында.
Кулманов ошондой эле аталган дары эки жолку клиникалык текшерүүдөн өткөрүлгөнүн белгилеп өттү.
