БИШКЕК, 8-ноя. — Sputnik. Президент Алмазбек Атамбаев эки коргоо ведомствосунун жетекчилерин алмаштырганын өлкө башчынын маалымат кызматы билдирди.
Ага ылайык, Марат Кенжесариев Мамлекеттик коргоо комитетинин, ал эми Абдикарим Алимбаев Мамлекеттик чек ара кызматынын жетекчилигинен бошотулду. Алимбаевдин ордуна Улуттук Гвардиянын учурдагы жетекчиси Мирбек Касымкулов дайындалды.
Буга чейин Коргоо иштери боюнча мамелкеттик комитеттин төрагасынын айдоочусу курал-жарак сатууга шектелип келген. Бул окуядан кийин бир катар офицерлерге сөгүш жарыяланган. Айрым ЖМКлар Чек ара кызматынын кампасынан курал сатты делген аскер адамдары кармалган.
