БИШКЕК, 8-ноя.— Sputnik. Шаршембиде өлкө боюнча жылуу аба ырайы сакталат. Бул тууралуу Кыргызгидрометтен билдиришти.
Тоолуу аймактардын автожолдорунда жолдор тоңголок, тайгак болушу күтүлөт. Батыштан соккон шамалдын ылдамдыгы секундасына 4-9 метрге жетет.
"Бишкек менен Ошто күндүн табы 12-15 градус жылуу болуп, күн ачык болушу күтүлөт. Калган аймактарда да жаан жаабайт", — деп жазылат маалыматта.
Кыргызгидромет сапарга чыккандарга ашууларда жана кооптуу жерлерде автоунаалардын ортосундагы 500 метр аралыкты сактоонун зарылдыгын эскертет.
