БИШКЕК, 7-ноя. — Sputnik. Кыргызстандын футбол лигасы 25-ноябрга карата аяктап бараткан сезондун "Мыктылары" наамына талапкерлер аныкталарын расмий сайтына жарыялады.
Кыргызстандын футбол боюнча биринчилиги 29-октябрда аяктаган. Учурдун чемпиону "Алай" (Ош) 45 упай топтоп титулун сактап кала алды. Чемпионатка жалпы жети команда катышып, алардын ар бири 18 оюн өткөрүшкөн.
2-ноябрда Топ-лига жана биринчи лиганын машыктыруучулары менен капитандары арасында сурамжылоо жүргүзүлгөн. 9-ноябрга чейин алар дарбазачы, коргоочу, жарым коргоочу, чабуулчу жана машыктыруучу номинацияларына үчтөн талапкер сунуштайт. Сурамжылоонун натыйжасында ар бир позиция боюнча финалга үч адам чыгат. Ал эми 10-ноябрда күйөрмандар Футбол лигасынын расмий сайты аркылуу добуш бере алышат. Акырында бардык упайлар кошулуп мыктылардын мыктысы тандалат.
