БИШКЕК, 6-ноя. — Sputnik. Безгекти алдын алуу үчүн аймактарда атайын топтор түзүлдү. Бул тууралуу Саламаттык сактоо министрлигинен билдиришти.
Аталган атайын топтор безгекти алдын алуу боюнча 2018-жылга чейинки программанын алкагында куралууда.
"Топторго медиктерден сырткары айыл тургундары мүчө болуп, алар үйлөрдү кыдырып, дарылоого катышат. Анткени бул илдетти жуктуруу коркунучу жогору", — деп жазылат маалыматта.
Өлкөдө безгек менен күрөшүү багытында аталган программа 2014-жылдан бери иштеп келет.
