БИШКЕК, 3-ноя. — Sputnik. Шанхай кызматташтык уюму өз алдына койгон аймактагы тынчтык менен туруктуулукту камсыздоо деген милдетин аткарды деп айтты Россиянын премьер-министри Дмитрий Медведев ШКУ мамлекеттеринин өкмөт башчыларынын кеңейтилген жыйынында.
Медведевдин айтымында, ШКУ түзүлгөн учурдан тарта ага кирген мамлекеттер жана уюмдун өзү аймактагы коопсуздук жана туруктуулукту камсыз кылууну көздөйбүз деген максатына жетти.
"Азыркы түзүлгөн кырдаалга карабай, биз көйгөйлөрдөн али арыла элекпиз. Анткен менен түптөлүп жатканда айтылган баалуулуктарга жетише алдык. Жасай турган көптөгөн тышкы жана ички иштерибиз боюнча иштеп жатабыз. Булар — коопсуздук, баңги каналдарга каршы туруу, инфраструктуралык милдеттерди чечүү болчу",— деди Медведев.
Экономикалык маселелер туурасында ал көп иштер аткарылганы менен, дагы ишке ашпай жаткан долбоорлор бар экендигине токтолду. Экономикалык кызматташууну арттыра турган дагы бир катар документтерге кол коюуларын кошумчалады.
Медведев ШКУ өлкөлөрүндө эбегейсиз транспорттук мүмкүнчүлүк колдонулбай жаткандыгын жашырган жок.
"Россия тараптан айтарым, биз 2014-жылдан тарта автомобиль менен эл аралык ташууларды аткара турган макулдашууларга даярбыз. ШКУнун жолдорду өнүктүрүү боюнча программасынын тез арада иштелип чыгышын чыдамсыздык менен күтөбүз", — деди Россия премьери.
Ал уюмдун алкагында талкуулай турган энергетика жана азык-түлүк боюнча маанилүү делген маселелер бар экенине токтолду.
