БИШКЕК, 3-ноя. — Sputnik. Степное айылында жайгашкан №2 түзөтүү колониясында жаза мөөнөтүн өтөп жаткан беш балалуу аял эки баласы менен жолукту. Бул тууралуу Жаза аткаруу мамлекеттик кызматынан кабарлашты.
20 Тогуздун айы 2016, 16:15
Камакта отурган 34 жаштагы аялдын беш баласы бар. Алардын үчөө Токмоктогу интернатта тарбияланып келет. 1,5 жаштагысы балдар үйүнө алынган. Ал эми эң улуусу 11-класста окуйт.
Аялдын айтымында, анын туугандары жок болгондуктан ага эч ким балдарын алып келип көрсөтпөйт. Буга байланыштуу Эл аралык кызыл крест комитетинин өкүлдөрү балдарды энеси менен жолуктурууга уруксат алып, аялдын беш жаштагы кызы менен тогуз жаштагы баласын интернаттын кызматкерлеринин коштоосунда колонияга алып барышкан.
Эне колонияда өткөргөн 1,5 жылдан кийин алгачкы жолу балдарын бооруна кысты.
Беш балалуу аял адам өлтүрүүгө катыштыгы бар экени далилденип 12 жылга эркинен ажыратылган.
