БИШКЕК, 3-ноя. — Sputnik. КСДП фракциясынын депутаты Айнуру Алтыбаева айымдарды депутат болууга үндөдү. Бул тууралуу ал парламентте ар кандай маселелер каралып жатканда билдирди.
Алтыбаеванын айтымында, айым депутаттар социалдык көйгөйлөрдү көтөрүшөт.
"Алдыда жергиликтүү кеңештерге шайлоолор болот. Мен ошол шайлоолорго аялдарды катышууга чакырып кетем. Эч нерседен коркпогула. Биз жардам бергенге аракет кылабыз. Эгерде жергиликтүү кеңештерге аялдар келсе, социалдык маселелерди көтөрүшмөк. Алга, Кыргызстан аялдары", — деди депутат.
Эске сала кетсек, 11-декабрда жергиликтүү кеңештерге шайлоо өтөт.
