БИШКЕК, 30-окт. — Sputnik. Орус-кыргыз өнүктүрүү фонду (ОКӨФ) 24-октябрга карата 160 миллион 753 миң доллар насыя бергени фонддун сайтына жарыяланды.
ОКӨФ Кыргызстандын экономикалык абалын жакшыртуу үчүн өлкөнүн Евразиялык экономикалык биримдикке кирүүсүнөн кийин түзүлгөн. Анын уставдык капиталын 500 миллион долларга жеткирүү пландаштырылууда.
Мында насыянын 22,3 пайызы азык-түлүк өнөр жайына берилген. 21,6 пайызы — транспорт жана логистикага бөлүнгөн. Ал эми айыл чарба жаатына 9,6 пайызы туура келет.
Фонд ушу кезге чейин 524 долбоорду каржылап, насыячылардын көбү бишкектиктер болуп саналат. Эң азы Нарын жана Талас облустарына туура келет.
