БИШКЕК, 29-окт. — Sputnik. Стамбулдун прокуратурасы автобустан 23 жаштагы аялды сабаганы үчүн Абдуллах Чакыроглуну кайтадан кармоо боюнча санкция бергенин Түркиянын NTV телеканалы билдирди.
Чакыроглунун иши Түркияда чоң талкуу жараткан. Ал 23 жаштагы медайымды автобустан сабады деп айыпталууда. Себеби ага кыздын кыска кийимдери жакпай калган. Чакыроглу кишинин денесине залал келтирүү боюнча айыпталып кармалган, бирок прокуратуранын санкциясы менен бошотулган.
27 Тогуздун айы 2016, 14:53
Чакыроглунун бошотулушуна нааразы болгондор өздөрүнүн пикирлерин социалдык тармак аркылуу билдирип баштагандан тарта сентябрдын аягында кайтадан кармалган. Прокуратура аны эки жылдан тогуз жылга чейин эркинен ажыратууну талап кылууда. Бирок өткөн жумада сот аны козголгон кылмыш иштери аяктаганга чейин эч жакка кетпөө тил катынын негизинде бошоткон. Учурда Стамбулдун полициясы Чакыроглуну кармоо иштерин жүргүзүүдө.
Ал ошондой эле дин тутуу эркиндигине жолтоо болуу жана коомдо баш аламандыкты козутуу боюнча дагы айыпталууда.
