Бүгүн Кыргызстандын футбол боюнча чемпиону аныкталат

БИШКЕК, 29-окт. — Sputnik. Бүгүн футбол боюнча Кыргызстандын чемпиону аныкталарын КР футбол лигасы билдирди.

Чемпионатка (Топ-Лига) жалпысынан жети команда катышууда. Ар бир турда алардын бирөө эс алат. Мелдештин алкагында ар бир команда 18 оюн өткөрөт.

Бүгүн мелдештин акырык эки оюну болуп, анын жыйынтыгы менен эң мыктылар аныкталат. Учурда "Алай" командасы 42 упай менен алдыда. Андан кийин "Дордой" (40 упай) менен "Алга" (39 упай) турат. Бүгүн эки оюн болуп, анын жыйынтыгында жеңүүчүлөр белгилүү болот. Эгер командалардын упайы бирдей болуп калса, анда оюндардагы жыйынтыктар каралат, андан кийин киргизген голдор эске алынат.

Мелдештин жыйынтыгына Ош шаарында "Алай" (Ош) менен "Абдыш-Ата" (Кант) командаларынын оюндары таасир берет. Себеби "Алай" командасы биринчи же экинчи болушу дал ушул беттештен көз каранды.

Эгер "Дордо" командасы "Алганы" утуп алса, анда ал чемпиондук титулун сактап калат. Андыктан чемпион болууга командалардын мүмкүнчүлүгү бар.

Буга чейин болгон беттештердин жыйынтыгы боюнча төртүнчү орунда 22 упай менен "Абдыш-Ата" турат. "Кара-Балты" — 14 упай, "Алдиер" менен "Ала-Тоо" командалары жетиден упай топтой алган.