БИШКЕК, 22-окт. — Sputnik. Бишкек шаарында Башкы прокуратура кызматкерлери менен Европа Кеңешинин өкүлдөрү "Кыргыз республикасында коррупция каршы туруу" аталышындагы долбоорду ишке ашыруу үчүн жыйын курду. Бул тууралуу өлкөнүн башкы көзөмөл органы билдирди.
Иш-чарага Башкы прокурордун орун басары Людмила Усманова, Европа Кеңешинин эксперттери, өкмөттүн өкүлдөрү катышты.
Аталган долбоорго ылайык, коррупцияга каршы күрөшүү жаатында Европа Кеңеши менен биргеликте иш алып баруу, пара тууралуу маалымат берүү функцияларын жакшыртуу жана бир топ жаңы механизмдер каралган.
Кыргызстан Европа Кеңеши менен акыркы эки жылдан бери кызматташып, коррупцияга каршы туруу жаатында бир топ долбоорду жүзөгө ашырып келет.
