Бишкекте селсаяктар үчүн атайын жайлар ачылды

Жазылуу
Атайын жайларынын иш алып баруусуна 2016-жылдын ноябрынан тарта 2017-жылдын апрелине чейин жергиликтүү бюджеттен 1,5 миллион сом каралган.

БИШКЕК, 20-окт. — Sputnik. Бишкектин аймагында селсаяктар үчүн атайын жайлар ачылганын мэриядан кабарлашты. 

Билдирмеге караганда убактылуу жана такай иштеген жайлар калаанын аймагында иштеп жатат. 

"Биринчи Май районунда "Коломто" аттуу түнөк жайы такай иштеп келет. Анда 70 селсаяк жашап бир маал ысык тамак менен камсыздалат", — деп айтылат маалыматта. 

Мындан тышкары, 2016-2017 кыш мезгилине карата бир маал ысык тамагы менен убактылуу түнөө жайлары да иштей турганы белгиленет. 

"Свердлов районундагы Фере көчөсү №34 "А" дарегиндеги түнөө жайы 40-50 адамды кабыл ала алат. Ал эми 12-кичирайондогу Аалы Токомбаев көчөсүндө 40-50 адамга ылайыкталган жай ачылды. Учурда андагы жайда төрт селсаяк жашап жатат", — деп белгиленет маалыматта. 

Мындан башка Ленин районунда "Ырайымдуулук" борбору балалуу 26 аялга ылайыкталган. 

Аталган жайлардын иш алып баруусуна 2016-жылдын ноябрынан тарта 2017-жылдын апрелине чейин жергиликтүү бюджеттен 1,5 миллион сом каралган. 

Жаңылыктар түрмөгү
0