АСТАНА, 17-окт. — Sputnik. Алия Самидин. Мындан ары кыргыз жарандары Казакстанда каттоосу жок 30 күн жүрүүгө мүмкүнчүлүк ачылат. Бул тууралуу эки өлкөнүн ТИМ жетекчилери жолуккан учурда белгилүү болду.
КР Тышкы иштер министри Эрлан Абдылдаев казакстандык кесиптеши менен болгон жолугушуу жылуу маанайда өткөнүн белгиледи.
"Учурда кыргыз жарандарынын казак чек араларынан кыйынчылыксыз өтүү жолдорун талкууладык. Алдыңкы күндөрү маселе жакшы жака чечилээринен үмүт кылабыз. Буюрса кыргыз жарандарынын Казакстанда 30 күн каттоосу жок жүрүү боюнча келишимге кол коюлду", — деди Абдылдаев.
Аталган макулдашуу эки өлкөнүн парламенттери тарабынан ратификацияланышы керек.
Эске сала кетсек, буга чейин кыргыз жарандары Казакстанда каттоосу жок 5 эле күн жүрүүгө укуктуу болгон.
