БИШКЕК, 14-окт. — Sputnik. Пекин шаарынын бийлиги калааны каптаган калың тумандан улам "сары" деңгээлдеги чыңалган абал жарыялады. Бул тууралуу РИА Новости агенттиги билдирди.
Кытайда абанын булганышын аныктоочу төрт деңгээлдүү система 2013-жылы киргизилген. Кабыл алынган эрежелерге ылайык, бийлик коюу туман үч күндөн ашык турса "кызыл" деңгээлди жарыялайт. Ал эми үч күн турса —"кызгылт сары" деңгээли, эки күн турса — "сары" жана бир күн турса "көк" деңгээли киргизилет.
Экологиялык абалды көзөмөлдөөчү шаардык борбордун маалыматтарына ылайык эртең мененки саат 8.00дө абанын тазалыгы бир куб метрге 193 микрограммды түзгөн. Ал эми Эл аралык саламаттык сактоо уюмунун сунушталган деңгээли боюнча бир куб метрде 25 микрограмм гана болушу керек.
Жайында экологиялык абал салыштырмалуу жакшы болору маалыматта айтылат.
Тумандан улам бир чакырымдык аралык жол жакшы көрүнбөй калган. Пекин шаарындагы экологиялык абал акыркы жылдардагы эң олуттуу көйгөйлөрдүн бири болуп калды.
