Мирлан Самыйкожо: максатыбыз — келегей кепти тизгиндөө
"Устат" академиясынын негизги максаты — коомдо өкүм сүргөн келегей кепти тизгиндөө. Бул тууралуу аталган окуу жайдын негиздөөчүлөрүнүн бири, маданият, маалымат жана туризм министринин кеңешчиси Мирлан Самыйкожо билдирди.
"Бүгүнкү күндө кыргыз журналистикасында, пайдаланган кебибизде туура эмес сүйлөө, туура эмес жооптор, суроолор көп байкалууда. Кыргыздын нукура, көөнө сөздөр колдонулбай калганы өкүндүрөт. Сүйлөө маданиятымды оңдойм, сөз байлыгымды өрчүтөм деген дилгир жарандарыбызга эшик ачык", — деди ал.
Мындан тышкары, аталган академия чечендик өнөр, төкмө акындык өнөр, дастанчылык жаза жазуучулук боюнча багыт бермекчи.
