БИШКЕК, 14-окт. — Sputnik. Мэрия Бишкек шаарынын аз камсыз болгон тургундарына бекер көмүр тарата баштаганын муниципалитет билдирди.
Маалыматка ылайык, мында 4393 үй-бүлө отун менен камсыздалып, ар бир үйгө 1,5 тонна көмүр каралган.
"Ленин районунда 1525, Октябрь районунда 500, Биринчи май районунда 1168 жана Свердлов районунда 1200 үй-бүлөгө бекер көмүр берилет", — деп айтылат билдирүүдө.
Мындан тышкары, "Зеленстрой" муниципалдык ишканасы 332 үй-бүлөгө жыгач отун берет, буга шаар боюнча 498 куб отун каралган.
