БИШКЕК, 14-окт. — Sputnik. Ошто Ички иштер министрлигинин өкүлдөрү Баңгизатка көзөмөл жасоо кызматынын өкүлүн 1000 доллларга баңгизатын соодалаган жеринен кармады. Бул туурасында ИИМдин маалымат кызматынан кабарлашты.
ИИМдин Ош шаарындагы аймак аралык Баңгизатка каршы күрөшүү боюнча башкы башкармалыгы менен Башкы тергөө башкармалыгынын ыкчам кызматкерлери баңги заттарынын соодалоого бөгөт коюу максатында ишке киришкен. Алар соодагерлерди кылтакка илүү үчүн алдын ала баңгизаттан үлгү сатып алышкан. Эки кишиден алынган 4 граммга жакын сатып алынган затты химиялык экспертизадан өткөрүлгөндө нашаа экени аныкталган.
Андан ары аталган эки орган жогорудагы баңгизаттарын сатуучулар колунда болгон товарын тез арада 1 килограммын 2000 доллардан соодалап жиберүүнү сунуштап жатканын аныктаган. Алар беркилерди милициянын көз кырында алуу-сатуу иштерин жүргүзө турган жерге алып келишкен. Баш-аягы болуп, 1 килограмм 400 грамм нашааны "кардарларга" соодалаган.
Бүгүн 1 000 доллар акчаны алып жаткан учурда аталган эки органдын өкүлдөрү Баңгизатты көзөмөлдөө боюнча мамлекеттик кызматтын түштүк аймагынын Н.Б. аттуу кызматкерин кармаган.
Шек жараткан киши Daewoo Matiz үлгүсүндөгү унаа менен келген, ал эми рулда 54 жаштагы Г.А. адам отурган. Автоунааны текшере келгенде мурдатан белги коюлган 900 доллар чыккан. Ал эми 100 долларды ортомчуга ыраазылык иретинде берилгени аныкталган.
Ал жерден табылган буюмдар далил катары алынып, ал эми шектүү кишилер кармалган. Учурда иликтөө иштери уланып, башка шериктерди аныктоо аракеттери жүрүп жатат.
