БИШКЕК, 12-окт. — Sputnik. Ош облусунун Кара-Киндик, Сары-Таш, Нура айылдарына жакын аймакта 3 баллдын тегерегинде жер титирөө болуп, ал эми очогунда 4 баллга жетти деп билдирди ӨКМдин маалымат кызматы.
КРдин Сейсмология институту 11-октябрда түшкө жуук жер титирөө болгондугун кабарлаган.
Анын очогу Кара-Киндик айылынан түштүк-чыгышты көздөй 35 чакырым, Нура айылынан түштүк-батышты карай 20 чакырым, Сары-Таш айылынан түштүк-чыгыш тарапка 50 чакырым, ал эми Ош шаарынан түштүк-чыгышты көздөй 135 чакырым аралыкта болгондугу маалымдалды.
Жер титирөөнүн күчү Нурада 3, ал эми Икизяк айылында 2,5 балл болуп байкалган.
ӨКМ жабырлангандар жоктугун билдирди.
