БИШКЕК, 12-окт. — Sputnik. Кыргызстан коопсуздук рейтингинен 97-орунду ээледи. Бул тууралуу дүйнөлүк экономикалык форумдун докладында айтылат.
Дүйнөлүк экономикалык форумдун эксперттери 141 мамлекеттеги коопсуздук деңгээлди баалашкан. Тизмени түзүүдө коомдун укук коргоо органдарына болгон ишеничинен кылмыштуулук деңгээлине чейин каралган.
Дүйнөдөгү эң коопсуз мамлекет деп Финляндия аталды. Экинчи жана үчүнчү орунду Катар менен Бириккен Араб Эмирлиги ээлеген. Тизменин кийинки тепкичинде Исландия менен Австрия турат.
Ошондой эле Люксембург, Жаңы Зеландия, Сингапур, Оман жана Португалияда коопсуз мамлекеттердин катарын толуктаган.
Орто Азиядан Казакстан эң алдыда. Ал рейтингден 72-орунду ээлеген. Андан кийин 76-орун менен Тажикстан экинчи турат. Ал эми Түркия 121-орунда болсо, Россия 126-орунду ээледи.
