Ашырбаев: таңга маал айдоочунун көзү илинип кетип, кырсыкка кабылган

2016-жылдын 11-октябрында эртең менен Ош — Жалал-Абад жолунда, тагыраагы Өзгөн районунун Ана-Кызыл айылынын аймагында Nexia жана Honda Odyssey эки автоунаасы кагылышып кеткен. Анын кесепетинен эки адамдын өмүрү кыйылган. 

"Жүргүнчүлөр Daewoo Nexia автоунаасынын айдоочусу рулда бара жатып уктап кеткенин билдиришкен. Маалыматтарда ал түнү менен уктабай келип, Россиядагы жүргүнчүлөрдү тосуп алып бара жатканда таңга маал көзү илинип кеткен деген версия айтылып жатат", — деди Ашырбаев.

Автожол кырсыгынан жалпысы жети адам жабыркап, экөө тилекке каршы, каза болду.

Ал кырсыкка кабылгандардын ичинен беш адам Ош облсунун Өзгөн райондук ооруканасына жеткирилгендигин кошумчалады.