БИШКЕК, 7-окт. — Sputnik. Ми-8 АМТШ "Терминатор" тик учактарынын бардык мүмкүнчүлүгү Ала-Тоо тоо кыркаларында болуп жаткан машыгууларда толугу менен колдонуларын РИА Новости агенттиги Аскердик округдун расмий өкүлү полковник Ярослав Рощупкинге шилтеме берип билдирди.
4-7-октябрда Ысык-Көл облусунун "Эдельвейс" полигонунда жамааттык күчтөрдүн тактикалык машыгуулары өтүп жатат. Жума күнү иш-чаранын негизги бөлүмү башталды.
"Россиялык учкучтар Ми-8 АМТШ учактарынын бардык мүмкүнчүлүктөрүн колдонот. Ага башкарылган жана башкарылбай турчу ракеталар орнотулган", — деди Рощупкин.
Машыгууларга Казакстандын, Кыргызстандын жана Россиянын миңдеген аскерлери, 200 зооттолгон техника, 20дай учак жана тик учактар катышат. "Эдельвейс" полигонундагы практикалык машыгуулар 7-октябрда аяктайт.
