БИШКЕК, 7-окт. — Sputnik. Италиялык белгилүү The Lost Avocado блогу Кыргызстан тууралуу кыска метраждуу роликтерди көрсөттү. Аталган ролик "Lost In Kyrgyzstan" (Кыргызстанда адашкан) деп аталат.
Биздин өлкө тууралуу 12 ролик атактуу режиссер Тимур Тугалев жана блоггер Сара Иззи тарабынан тартылган.
Аталган порталдын жетекчиси Сара Иззи Sputnik Кыргызстан агенттигине роликтер Соң-Көл, Ысык-Көл жана Орто-Токой суу сактагычтарында тартылгандыгын билдирди.
"Кыргызстанга баруу идеясы жөн жерден эле жаралып калган. Бирок канча өлкөнү кыдырсам да эң коозу Кыргызстан экен. Бул жер жомоктогудай таасир калтырат", — деди блоггер.
Аталган роликтер Vimeo.com. сайтына дагы жарыяланды.
