БИШКЕК, 5-окт. — Sputnik. Улгайган адамды жетелеп жолдон өткөргөн Кайгуул милициясынын кызматкеринин кадамы социалдык тармакта катуу талкууланууда.
Ага күбө болгон жаран аны сүрөткө жана видеого тартып алып, аны Facebook социалдык тармагына жайгаштырган.
"МАИ кызматкери улгайган апаны жолдон өткөзүп койду. Ал машиналарды токтотуп, колундагы оор баштыгын да көтөрүп жолдун аркы өйүзүнө чейин жетелеп барды. Бул кадам көңүл жылытат", — деп жазат Галина Шаманина.
Анын бул жазгандарын башкалар да бөлүшүп, бул милиция кызматкеринин үлгү алуу керектигин жазышууда.
Көпчүлүгү милиционерди алкап, ыраазычылыгын билдирип жатышат.
Бишкек ШИИБдин Кайгуул милиция башкармалыгы өз кызматкеринин бул кадамы тууралуу азырынча маалыматы жок экенин билдирди.
