Эске сала кетсек, ЖКнын тармактык комитети референдум жөнүндө мыйзам долбоорун экинчи окууга кайтаруу чечимин чыгарган.
Эл өкүлү Бакыт Төрөбаев референдум жөнүндө мыйзамдын демилгечилеринин пикири эске алынбаганына нааразы экенин парламентте сүйлөп жатып билдирди.
"Референдум жөнүндө мыйзам долбоорун экинчи окууга алып келүү боюнча азыр угуп калдым. Биз өткөндө мыйзамдын демилгечиси катары бир жумага жылдыралы, парламенттик уктурууларды уюштуралы дегенди укпай койдуңуздар эле. Бизди анча-мынча угуп жүрсөңөр туура жолго түшөсүңөр. Кайсыл беренелердин арты менен экинчи окууга алып келип жатасыздар? Ошолорду тактап коюш керек", — деди Төраев.
Ал мындан сырткары, ЖКнын комитеттеринин төрагаларынын отчетторун угуу сунушун киргизип, эл кабыл алган мыйзамдарды билиши керек деген оюн кошумчалады.
