БИШКЕК, 3-окт. — Sputnik. КРдин Триатлон федерациясынын президенти Чыңгыз Алканов эч тынымсыз 3,8 чакырым сууда сүзүп, 180 чакырым аралыкты велосипед менен, 42 чакырымды жөө чуркап өттү. Бул тууралуу аталган федерациядан билдирди.
КРдин Триатлон федерациясынын президенти Чыңгыз Алканов
© Фото / пресс-служба Федерации триатлона КР
Чыңгыз Алканов аталган аралыкты 10 саат 49 мүнөттө басып өтүп, Кыргызстан үчүн жаңы рекорд жаратты.
"Жарышка 30-34 жаштардагы 2835 адам катышып, Чыңгыз Алканов 97-орунду ээледи", — деп айтылат маалыматта.
Эске сала кетсек, аталган сыноону буга чейин Канат Келсинбеков менен Данияр Оморовдор өтүшкөн. Бул аралыкты 17 сааттан кем эмес убакытта өткөн ар бир катышуучуга "Темир киши" титулу берилет.
