БИШКЕК, 3-окт. — Sputnik. Мамлекеттик кепилдик фонду Орус-кыргыз өнүгүү фондусунан 10 миллион, Азия банкынан 3 миллион доллар алуу үчүн келишим түзөт. Бул тууралуу Экономика жана өнөр жай министри Арзыбек Кожошев билдирди.
Белгилей кетсек, 30-сентябрь күнү Орус-кыргыз өнүгүү фонду жыйын өткөрүп, анда каржы бөлүп берүү маселеси каралды.
"Фонд күрөөнүн 30 пайызын жаба алат. Учурда бул көрсөткүчтү 50 пайызга чейин көтөрүү үчүн мыйзам жазып жатабыз. Кепилдик фонду жакынкы күндөрү ишке кириши керек. Бирок эмки жылы гана толук кандуу киреше алып келгенге жарайт", — деди Кожошев.
Учурда өлкө боюнча алты кепилдик фонду Ош, Жалал-Абад, Каракол, Кара-Балта, Кант жана Баткен жергесинде иш алып барууда.
