БИШКЕК, 30-сен. — Sputnik. Президент Алмазбек Атамбаев көрүнүктүү мамлекеттик жана саясий ишмер Шимон Перестин дүйнөдөн кайтышына байланыштуу Израиль президенти Реувен Ревлинге көңүл айтты.
Эскертсек, Израилдин экс-президенти Шимон Перес 93 жаш курагында каза болгон.
"Көрүнүктүү мамлекеттик жана саясий ишмер Шимон Перестин дүйнөдөн кайтышы тууралуу кабарды терең кайгыруу менен кабыл алдым", — деп айтылат өлкө башчынын телеграммасында.
Ошондой эле маркумдун туугандарына жана жакындарына, бүткүл израиль элине бул оор жоготууга байланыштуу чын дилимден көңүл айтам, деп жазылат билдирүүдө.
